Aktorja Amber Heard ka konfirmuar lidhjen e saj me miliarderin Elon Musk, me një foto në “Instagram”, të bërë gjatë një darke në Australi.
Fotoja u publikua nga vetë miliarderi Elon Musk, i cili kishte në faqe shenjën e buzëkuqit nga buzët e Amber.
Momenti intim tregonte çiftin të ulur në një tavolinë së bashku, ndërsa Amber kishte vendosur dorën mbi shpatullën e sipërmarrësit 45-vjeçar.
Elon ka qenë dy herë i martuar dhe së fundi është divorcuar nga Talulah Riley, në nëntor të vitit të kaluar. Ai ka gjashtë djem me gruan e parë Justine Wilson. Musk ka një pasuri në vlerë 14.9 miliardë dollarë.
