Ambasadori i BE-së në Shqipëri, Luigi Soreca, ka dhënë një lajm të mirë për vendin tonë nëpërmjet një postimi në Twitter.
Soreca ka lajmëruar se BE do të ndihmojë Shqipërinë në luftën me Koronavirusin.
Në postimin e tij, Ambasadori shkruan:
“Bashkimi Europian është gati që të mbështesë Ballkanin Perëndimor, përfshirë edhe Shqipërinë në “betejën” me koronavirusin. Komisioni Europian po shikon mundësinë për të ridrejtuar fondet IPA (Fonde për ndihma para anëtarësimit). Një përgjigje pozitive për të hapur negociatat do të ishte një sinjal rëndësishëm për Ballkanin Perëndimor”
Deri tani, numri i të prekurve nga Covid-19 në Shqipëri ka shkuar në 55, ndërsa në Durrës është shënuar edhe viktima e parë.
Qeveria ka marrë masat e duhura për të parandaluar përhapjen e kësaj epidemie, duke mbyllur çdo aktivitet publik e duke ndaluar qarkullimin pa kriter.
Persona që i thyejnë këto rregulla kanë nisur të ndëshkohen nga policia shqiptare.
