Amanda Seyfried foli për herë të parë hapur për betejën e saj të gjatë me sëmundjen mendore “Obsessive Compulsive Order”, e cila i shkakton stres dhe ankth. Aktorja zbuloi se merr çdo ditë ilaçe kundër depresionit për 11 vite rresht.
“Jam duke përdorur “Lexapro” (ilaç kundër ankthit) momentalisht dhe nuk do të heq kurrë dorë prej tij”, ka thënë aktorja 30-vjeçare në një intervistë të dhënë së fundmi për revistën “Allure”.
“Kam 11 vite që e përdor rregullisht, që kur isha 19 vjeçe. Përdor dozën më të ulët tashmë, por nuk do të heq kurrë dorë prej tij. Nuk di nëse është e dëmshëm apo jo, por nuk kam ndërmend të rrezikoj”, shton Seyfried.
Amanda, e cila sapo është fejuar me aktorin Thomas Sadoski, ka thënë se sëmundjet mendore duhet të merren po aq seriozisht sa edhe sëmundjet fizike.
“Ju nuk e vini re sëmundjen mendore pasi nuk është një gjëndër apo cist, por është aty, brenda në tru. Kisha një ankth të tmerrshëm dhe mendoja se kisha tumor në tru”, kujton aktorja. “Bëra një kontroll tek neurologu dhe ai më drejtoi tek një psikiatër”.
Aktroja ka shtuar më tej se me kalimin e viteve, pjesa më e madhe e mendimeve të këqija dhe ankthet janë zhdukur.
Amanda vijon më tej: “Është argëtuese kur pasiguritë të godasin. Ndonjëherë ndihem sikur e njoh botën kaq mirë, por më pas… ka kaq shumë efekte negative. Ndihesh sikur askush nuk dëshiron të të shikojë”.
Burimi: Daily Mail
