Amal Clooney u bë nënë për herë të parë, pasi solli në jetë binjakët Ella dhe Alexander. Lajmi për lindjen u publikua dje nga mediat. Pasi përgëzuam çiftin Clooney, menduam menjëherë për binjakët e Beyonce.
Sipas llogaritjeve ne mendojmë se, diva e muzikës pop është bërë tashmë nënë për herë të dytë, por duket se ka vendosur ta mbajë ende të fshehtë lajmin.
Më 1 shkurt ajo postoi në “Instagram” një foto të saj ku mbante barkun e rrumbullakosur, e shfaqur vetëm me të brendshme, vellon dhe e rrethuar nga lule, ku shprehu lumturinë e familjes. Por nuk zbuloi në asnjë moment sesa muajshe ishte!
“Do të dëshironim të ndanim dashurinë dhe lumturinë tonë. Jemi bekuar për të dytën herë. Jemi jashtëzakonisht mirënjohës që familja jonë do të shtohet me dy anëtarë dhe ju falënderojmë për urimet tuaja – Familja Carters”, shkruhej përkrah fotos së publikuar nga Beyonce.
Pavarësisht se pamë ndryshimin e saj me kalimin e muajve ajo nuk tregoi sesa kohë i mbetej nga data e lindjes.
U përfol për injeksion te buzët edhe pse ishte vetëm fryrje nga shtatzënia.
Dhe më 20 maj organizoi “baby shower”-in e quajtur “Carter Push Party”, ndërsa u dallua duke festuar me të ftuarit, përfshirë Serena Williams, Tina Knowles apo Vanessa Bayer.
Fotoja e fundit që ka publikuar me të bijën, Blue Ivy në “Instagram”, e veshur me blu, sipas fansave, është e vjetër sepse braku i saj duket më i vogël se në fotot e “baby shower”.
Fansat argumentuan pak ditë më parë se Beyonce mund të ketë lindur lidhet me faktin që motra e saj Solange, anuloi një koncert në Boston javës që shkoi. Sipas tyre, ajo donte të ishte aty kur të lindin binjakët.
Dhe së fundi, një foto e nënës së Beyonce në një spital në Los Angeles i ka përforcuar akoma më shumë këto zëra.
Nga ana tjetër lajmi se Amal dhe George Clooney ishin në pritje të binjakëve u dha më 9 shkurt, mbi një javë pas Beyonce-s, në emisionin “The Talk”, të moderuar nga Julie Chen.
“Beyonce nuk është e vetmja e famshme që po pret binjakë. Urimet i shkojnë George dhe Amal Clooney!”, tha ajo gjatë shfaqjes.
Ashtu siç mbajti të fshehur për disa muaj shtatzëninë, Beyonce mos ndoshta ka vendosur të mbajë të fshehtë edhe ardhjen në jetë të binjakëve? Mezi po presim të shohim pjesëtarët e rinj të familjes Carter!
Burimi: Iconstyle.al
