Autoriteti i Mediave Audiovizive ka shtyrë deri më datë 30 qershor afatin e mbylljes së transmetimeve analoge në disa qarqe të vendit.
Përmes një njoftimi bëhet me dije se në Elbasan, Shkodër, Lezhë dhe Vlorë do të shtyhet me 3 muaj afati i mbylljes së transmetimeve.
Situata vjen në një kohë që vendi ynë po përballet me krizën e koronavirusit, dhe qytetarët shqiptarë po qëndrojnë të izoluar në shtëpitë e tyre.
Njoftimi i plotë:
Shtyhet deri më 30 qershor digjitalizimi në qarqet Elbasan, Shkodër, Lezhë dhe Vlorë
Autoriteti i Mediave Audiovzive në mbledhjen e datës 26 mars 2020, përmes komunikimit virtual të anëtarëve, vendosi shtyrjen me 3 muaj të afatit të mbylljes së transmetimeve analoge në qarqet Elbasan, Shkodër, Lezhë dhe Vlorë.
30 qershori 2020 është afati i ri i vendosur nga Autoriteti me vendimin nr. 23 të bordit dhe vjen si pasojë e situatës që është krijuar në gjithë vendin tonë nga nga epidemia e virusit COVID-19.
AUTORITETI I MEDIAVE AUDIOVIZIVE
