Për regjisorin Altin Basha, “Portokallia” jo vetëm që nuk e ka ulur nivelin, por është më lart se 15 vite më parë.
I ftuar sot në “E Diell” ai ka thënë se i ndjek programet paralele të humorit, të cilat sipas tij nuk e kanë arritur akoma nivelin e “Portokallisë”.
“Patjetër që i shoh, por kanë ende shumë rrugë për të bërë që të arrijnë te bishti i Portokallisë’ ka thënë Basha.
Ai gjithashtu pranon që kur duhet e ngre zërin me aktorët kohë pas kohe dhe ka disa aktorë që i mban me hatër, por që nuk ndikon në marrëdhënien profesionale të tyre.
“Me një pjesë të të larguarve nga Portokallia mbaj ende kontakte, ndërsa me pjesën tjetër jo, sepse nuk kam pasur të njëjtin afrimitet.
“Portokallia” rifillon sonte në ekranin e Top Channel, ora 20: 45 jo më me dy prezantues, por me katër sipas Altin Bashës.
Mirëpo, së fundmi, burime për “iconstyle.al” kanë deklaruar se nuk është i vërtetë lajmi se do ketë dy prezantues të rinj.
Portokallia do të hapet me imitimin e Elisa Spiropalit dhe Erion Braçes. Elisën pritet ta imitojë Delinda Zhupa ndërsa Erionin, Rezart Veleshnja.
