Disa ditë pasi aktori Julian Deda e akuzoi si fajtorin e vetëm të largimeve nga “Portokallia” dhe regjisori Altin Basha ka folur për herë të parë.
I ftuar në emisionin e mëngjesit “Wake Up”, regjisori pranoi se këto nuk janë akuza të reja ndaj tij, por nuk mund t’i përgjigjet kujtdo që “jeton me kokën mbrapa”.
Altin Basha sqaroi se jo të gjithë aktorët kanë pasur të njëjtën arsye për t’u larguar nga spektakli. Sipas tij, “përpjekja për t’ia vënë fajin gjithë historisë së largimeve emrit tim është një problem personal, gati-gati patologjik”:
“Portokallia mund t’ia dali dhe pa mua dhe pa këdo që është aty.
Sigurisht që këto lloj akuzash nuk janë të reja për mua. Nuk i jam përgjigjur sepse nuk mund t’i përgjigjem çdo njeriu, që jeton me kokën mbrapa, që jeton në kohën kur ishte i suksesshëm. Këtyre njerëzve unë u kam hapur dyert, u kam ndërtuar karrierën.
Në katërmbëdhjetë vjet, nuk mund të shpresoj që ata aktorë që hynë në fillim, të jenë të njëjtët edhe sot. Këta individë nuk janë larguar të gjithë për të njëjtën arsye. Dikush ka dashur të ndjekë karrierën jashtë shtetit, dikush ka dashur të studiojë. Sigurisht disa janë larguar për punë disipline.
Përpjekja për t’ia vënë fajin gjithë historisë së largimeve emrit tim është një problem personal, gati-gati patologjik. Është një fiksim që unë natyrisht do ta toleroj sepse nuk merrem me individë që lë rrugëve […]”
