Almeda Abazi dhe aktori turk Tolgahan Sayisman është një nga çiftet më të përfolur në mediat shqiptare. Dyshja e njohur kurorëzoi me martesë lidhjen e tyre vitin e kaluar në Shtetet e Bashkuara të Amerikës.
Momentalisht Almeda po e ndan jetën e saj mes Turqisë dhe Shqipërisë, duke qenë se kohët e fundi e kemi parë në rolin e moderatores në spektaklin “Dancing with the stars”. Por ajo na ka treguar se nuk mund të rrijë larg bashkëshortit të saj dhe menjëherë pas përfundimit të spektaklit udhëton drejt Turqisë.
Nëpërmjet disa postimeve në Instastory, Almeda na ka treguar se ora 3 e mëngjesit e ka gjetur duke luajtur një “3D video game”, së bashku me Tolgahanin në shtëpinë e tyre.
Në këto video Almeda shfaqet shumë e përqendruar, ndërsa Tolga i jep udhëzime se si duhet të luajë.
Nga pamjet shohim se çifti i njohur ka një super apartament, me një ekran të madh televiziv dhe me një arredim modern.
