Mbrëmjen e djeshme Almeda Abazin e pamë të shkëlqente në rolin e prezantueses në spektaklin e kërcimit “Dance with the stars”. Ky angazhim profesional do ta mbajë Almedën në Tiranë rreth 3 muaj, një periudhë relativisht e gjatë kur mendon që partneri i saj do të jetë larg. Tolghan po qëndron në Stamboll ku iu është përkushtuar angazhimeve të tij profesionale.
Së fundmi Almeda ka dhënë një intervistë për emisionin “5 e 5” ku ndër të tjera ka folur edhe për marrëdhënien e saj me bashkëshortin. Ajo ka treguar se pavarësisht angazhimeve të saja të shumta do të përpiqet të shkëputet ndonjëherë për ta takuar, megjithëse për të nuk përbën problem sepse i pëlqen të jetë e angazhuar në punë.
“Sado papunë të jem, aq më shumë vihen re detajet e vogla në një lidhje. Kurse kur ke punë dhe s’ke shumë mendjen te këto detaje, lidhja është më e shëndetshme”, u shpreh Almeda.
Bukuroshja shqiptare zbuloi se lidhja e tyre normalisht ka zënka si çdo çift, por e rëndësishme është që është një lidhje e shëndetshme.
“Megjithatë zënkat tona ekzistojnë gjithmonë dhe janë të pranueshme në një lidhje. Kjo është kripa apo jo”, u shpreh duke qeshur Almeda.
Me sa duket paska një truk të thjeshtë që lidhja juaj të funksionojë sa më mirë, qëndroni të angazhuar në punë, dhe kështu arrini ta vlerësoni më shumë partnerin që keni në krahë dhe nuk kapeni me detaje koti që vetëm e dobësojnë lidhjen tuaj.
