Modelja e njohur Almeda Abazi, e cila prej vitesh jeton në Turqi, prej 12 javësh u vendos në Tiranë ku prezantoi spektaklin “Dancing with the stars”. Ardhja e saj në Shqipëri u komentua gjerësisht, por po aq zhurmë bëri në media dhe largimi i saj. Në një status të publikuar në Instastory Almeda shpërtheu ndaj produksionit të “Dancing with the stars”, pasi u detyrua të paguante shpenzimet ekstra në hotelin ku qëndroi për tre muaj, por edhe për fatin që bashkëshorti i saj, Tolgahan Sayisman nuk mori mikëpritjen e duhur.
“Sapo bëra check-out nga hoteli ku qëndrova për 3 muaj në Tiranë dhe për habinë time pagova shpenzimet extra, pra ujin që kam pirë në minibar dhe pastrimin kimik ku kam larë rrobat, madje edhe hekurosjen e kostumit të Tolgës, i cili pa asnjë lloj interesi erdhi me shumë dëshirë dhe respektoi në maksimum stafin dhe produksionin e DWTSA duke lënë angazhimet e tij në Turqi”- shkruante Almeda Abazi në postimin e saj në Instastory.
Ndërsa përsa i përket mikëpritjes së bashkëshortit të saj, aktorit të njohur turk Tolgahan Sayisman, “Iconstyle.al” ka mësuar se në të vërtetë me mbërritjen e tij në Tiranë nuk ka qenë askush nga “Vizion Plus” për t’i uruar mirëseardhjen. Një veprim ky i pazakontë për një personazh me një famë të tillë, që në gjithë botën pritet nga turma gjigande fansash.
Mirëpo pas këtyre akuzave produksioni i “Dancing with the stars” ka reaguar duke publikuar faturat e shpenzimeve të Almedës, të cilat janë siguruar nga “CNA”. Sipas këtyre faturave “Vizion Plus” i ka paguar Almedës hotelin ku ka qëndruar, udhëtimet business-class nga Turqia në Shqipëri, shpenzimet e ushqimit që ka konsumuar çdo javë dhe një rrogë relativisht të lartë.
Madje në lajmin e publikuar nga “CNA” ku citohet një burim pranë “Vizion plus”, Almeda akuzohet për mashrim dhe madje quhet “e parritur dhe tekanjoze”.
Megjithëse janë publikuar faturat Almeda në statusin e saj e shprehu qartë se nuk i ishte paguar uji, pastrimi kimik dhe hekurosja e kostumit të Tolgës. Madje pavarësisht të gjitha këtyre në statusin e saj Almeda shprehej se po largohej nga Shqipëria me një respekt të madh për gjithë shqiptarët.
