Alketa Vejsiu është ngjitur për herë të parë në skenën magjike të “Sanremo”-s, duke realizuar kështu ëndrrën e saj!
Moderatorja shqiptare u shfaq në super formë, e veshur me një fustan klasik rozë “Dolce & Gabbana” tepër elegant, që binte në sy me gurët që i shkëlqenin nën dritat e skenës!
“I dua të gjithë shqiptarët, sidomos ata që jetojnë në Shqipëri”, tha moderatorja tepër e emocionuar.
Para se t’ju thoshte “të dua” të gjithë shqiptarëve nga “Sanremo”, Alketa foli për projektin e saj të fundit në Shqipëri, atë të Festivalit të Këngës, për të cilin tha se për herë të parë pas 58 vjetësh më në fund, regjinë e mori në dorë një femër!
Moderatori Amadeus e përgëzoi për këtë arritje, dhe madje mbeti pa fjalë kur dëgjoi moderatoren tonë teksa fliste italishten rrjedhshëm dhe me shpejtësi!
“Vullkanike dhe energjike”, “Uragan” u cilësua Alketa edhe nga mediat italiane të cilat shkruajnë se ajo është padyshim një ndër femrat më të shkathta që kanë ndarë skenën deri më tani krah Amadeus.
“Si qytetare e botës, ju them faleminderit nga Italia që është një shembull i integrimit, mikpritjes, humanizmit”, u shpreh moderatorja.
Pasi përshëndeti bashkëkombasit e saj në gjuhën shqipe, Alketa i ngjiti dhe i zbriti edhe njëherë shkallët dhe e tregoi arsyen simbolike:
“Sepse sonte po ngjitem në pikën më të lartë të karrierës time profesionale”.
https://www.instagram.com/p/B8PYNnTHUek/
