Alketa Vejsiu e ka mbrojtur me fanatizëm imazhin vizual të fëmijëve të saj, duke respektuar fëmijërinë e tyre larg botës së televizionit.
Në një intervistë për “Revista Who”, moderatorja e “Dance With Me” rrëfeu se është kujdesur që fëmijët e saj të jenë larg profesionit të saj, prozhektorëve, kamerave duke i dhënë mbështetjen të gjejnë rrugën e tyre.
“Nuk ua ushqej të kenë një karrierë të ngjashme me timen. Të dy si prindër kemi detyrimin e madh t’i ndihmojmë të gjejnë rrugën e tyre, të zbulojnë talentin dhe pasionet! Është shumë e rëndësishme të bëjnë në jetë diçka që e duan shumë”, është shprehur Alketa.
I vetmi përjashtim që bëri Alketa Vejsiu, ishte gjatë finales së emisionit “Në Kurthin e Piter Pan”, ku Nicole dhe Lionel zgjodhën ta shihnin mamin nga skena.
