Një shkrim i Alketa Vejsiut mbi sekretin e bukurisë, është pritur me kritika së fundi.
Dje moderatorja shqiptare shkruante në një postim në Instastory, se as buzët e fryra, as fotot perfekte në Instagram, as vithet e mbushura, as beli i hollë dhe as gjokset bujare nuk të bëjnë të bukur, pasi të qenit e bukur është diçka tjetër.
Mediat nxituan ta interpretonin si një qëndrim të Alketës kundër standardeve të bukurisë që janë vendosur sot, dhe për këtë, opinionisti Olti Curri ka bërë një reagim mjaft ironik.
Në një postim në Instagram, Olti përmend operacionet plastike, me siguri referuar shumë atyre të famshmeve që sipas tij janë bërë copy paste.
“Ka shumë të drejtë! Yll të bën një kirurg plastik i vëmendshëm, që para se të të bëjë anestezinë lexon sms që i ke dërguar ku i kujton që mos të të bëjë copy paste me Tunën”, shkruan Olti.
Reagimi i tij erdhi pasi Alketa u bëri thirrje përmes shkrimit të gjitha atyre vajzave për të qenë krenare me pamjen e vet:
” Ji e bukur në mënyrën tënde, ji krenare! Dhe mos harro, ti je unike, ska një qenie tjetër si ty në planet, dhe ky është krijimi më hyjnor i universit! Ndihu speciale sepse je speciale sido të jesh! Me celulit, rrudha, strija apo acne, quka apo buzë të holla, qerpikë të drejtë apo vetulla pa kënd, faqe petull apo hundëkarrotë”.
Por vetë Alketa ka treguar se ka qenë vetë pjesë e këtyre vajzave me komplekse mbi dukjen fizike dhe e ka pranuar edhe ndërhyrjen estetike në hundë.
“Pooo hundën, e kam thënë shumë herë. Shërova një kompleks”, i përgjigjej ajo dikur një ndjekëseje në Instagram.
Megjithatë ajo është shprehur se arsyeja përse e ka bërë hundën ka qenë jo për të qenë e bukur:
“Po kam lëmuar hundën jo për tu bërë më e bukur, por e kam menduar se do të ndihem më mirë”, ka thënë Vejsiu në spektaklin televiziv “Your Face Sound Familiar” të Klan TV.
