Ditën e djeshme, në media qarkulloi lajmi se çifti shumë i njohur i showbizit, Fatma Methasani dhe Alfio Rrotani, do të bëhen prindër për herë të parë.
Burimet pranë tyre treguan se Fatma është në tremujorin e parë të pritjes së ëmbël dhe gjinia e bebushit nuk ështe zbuluar ende.
Madje, në profilin e saj në Instagram, Fatma ka pozuar së fundmi vetëm me rroba të gjera, duke i shtuar kështu edhe më shumë dyshimet.
Megjithëse ende nuk e kanë konfirmuar këtë lajm, pak minuta më parë Alfio ka publikuar foton e parë në Instagram pas lajmit të shtatzënisë, ku shfaqet me Fatmën.
Ai i ka uruar të gjithëve një muaj të mbarë krahas selfie-t të tyre, pa zbuluar ende diçka më shumë për shtatzëninë e moderatores.
Kujtojmë se Fatma dhe Alfio kanë më shumë se dy vite së bashku, por lidhjen e tyre vendosën ta bënin publike vetëm në tetor të 2018-ës.
