Në përfundim të samitit për Shengenin Ballkanik, zhvilluar në Tiranë, ka folur edhe presidenti i Serbisë Aleksandar Vuçiç.
Ai u shpreh se ditën e hënë, qeveria e Serbisë do të mblidhet për të siguruar ndihmat për të prekurit nga tërmeti në Durrës dhe Thumanë.
Vuçiç u shpres se beson se Serbia do të jetë një nga 2-3 apo 4 donatorët më të mëdhenj për të ndihmuar.
‘Unë shpreh ngushëllimet e mia për të gjitha familjet e viktimave që vdiqën në këtë tërmet të tmerrshëm që goditën Shqipërinë. Për aq sa mundëm duke dërguar ekipet e shpëtimit, por besoj se gjithë njerëzit në vend tuaj e kuptuan gjithë simpatinë tonë, falenderoj kryeministrin Rama që na çoi në Durrës, ku pamë fëmijë, prindërit dhe gjyshërit e tyre që kishin humbur njerëzit e afërt. Qeveria e Serbisë do të marrë një vendim të hënën për të ndihmuar me një vlerë domethënëse Shqipërinë, dhe besoj se do të jetë një nga 2-3 apo 4 donatorët më të mëdhenj për Durrësin, Thumanën e zonat e tjera në Shqipëri’, tha Vuçiç.
