Alec Baldwin theu heshtjen të shtunën, duke folur për herë të parë për Halyna Hutchins – kineasten që ai vrau aksidentalisht në xhirimet e filmit të tij “Rust” javën e kaluar.
“Ka aksidente të rastësishme në setet e filmit herë pas here, por asgjë si kjo,” -tha në një video të regjistruar me telefon nga bashkëshortja e tij, Baldwin, i cili dukej i mërzitur dhe nganjëherë i ngjirur. “Ky është një episod në një trilion, një në një trilion ngjarje.”
Ky ishte reagimi i parë i Baldwin në publik që kur Hutchins u vra gjatë xhirimeve të “Rust” në Sante Fe, New Mexico, javën e kaluar. Regjisori Joel Souza u plagos gjatë të shtënave, ku Baldwin shkarkoi aksidentalisht një armë për të cilën iu tha se ishte “e sigurt”.
“Një grua ka vdekur. Ajo ishte shoqja ime, ajo ishte shoqja ime. Kur mbërrita në Sante Fe për të filluar xhirimet, e nxora për darkë. Ne ishim një ekip i madh duke xhiruar një film së bashku kur ndodhi kjo ngjarje e tmerrshme.”
Aktori tha se i mirëpret diskutimet për eliminimin e armëve në prodhimet e Hollivudit.
Ai gjithashtu shtoi se është në kontakt të vazhdueshëm me burrin e Hutchins, Matthews. Çifti ka një djalë 9-vjeçar.
/Class
