Albina Kelmendi ka ndarë me publikun një nga lajmet më të bukura të jetës së saj. Këngëtarja është bërë nënë për herë të parë, duke mirëpritur në jetë një djalë së bashku me bashkëshortin e saj, Valon Vataj.
Lajmin e ëmbël Albina e ka bërë të ditur përmes një postimi në Facebook, ku krahas emocioneve të para si nënë ka zbuluar edhe emrin që çifti ka zgjedhur për vogëlushin: Trim Vataj.
“Faleminderit Zotit që na bekoi me një djalë.
Lusim Zotin që të rritet me shëndet, me gjitha të mirat, të bëhet fëmijë i mbarë dhe të na bëjë gjithmonë krenarë.
Mirë se erdhe në jetën tonë, 𝐓𝐫𝐢𝐦 𝐕𝐚𝐭𝐚𝐣!”, ka shkruar këngëtarja.
Me ardhjen në jetë të Trimit, Albina dhe Valoni nisin kështu një kapitull krejt të ri, tashmë në rolin e prindërve për herë të parë.
