Arti nuk ka lidhje me matematikën, por disa ekuacione të thjeshta i kemi mësuar, që në fillore dhe vazhdojnë të mbeten në kujtesën tonë. Për balerinin Graciano, duket se nuk është kështu!
Balerini i Tv Klan, i cili gjithashtu ka qenë edhe konkurrent në “Big Brother Albania” përpara disa vitesh, ishte i ftuar në emisionin “Pop Culture”.
Kelvi ka vendosur t’i bëjë Gracianos një test në matematikë, ku siç duket prej videos, nuk është pika më e fortë e balerinit.
Megjithatë ndonëse djemtë janë argëtuar me njëri-tjetrin në program, një koment i Albi Nakos, drejtuesit dhe koreografit të trupës së baletit në Tv Klan ka ngritur dyshime.
Në koment Albi ka shkruar: “Graciano, në çfarë televizioni e ke dhënë këtë provim ti?” ndërkohë që balerini ja ka kthyer: “Në Top Channel”, aty ka ardhur i menjëhershëm edhe reagimi i Albit: “Ok, je i pushuar nga puna!” dhe si për habi Graciano ja ka kthyer: “Yes! Sa e kam dashur këtë gjë!”.
Nëse ka qenë një batutë mes djemve ose diçka më serioze, kjo pritet për t’u vërtetuar!
Burimi: Instagram
