Pas lajmeve për një lidhje të re, Albi Nako dhe Alba Hoxha u dukën sikur i konfirmuan thashethemet, kur u panë bashkë në eventin e fundit mbajtur së fundmi në kryeqytet.
Në një intervistë për “Jo Vetëm Modë” dyshja u zunë ngushtë dhe lanë të kuptohet se vërtet mund të ketë diçka mes tyre, veçanërisht pas pushimeve në Palasë, në bregdetin e jugut. Koregorafi tha se marrëdhënia e tyre është vetëm profesionale por përgjigja e balerinës i tregon të gjitha.
Nëse vërtet organizohen workshop-e në Palasë, siç thotë Alba, këtë nuk e dinim, por nga fotot e para disa ditëve pamë që çifti po pushonte nën rrezet e diellit. Më poshtë intervista:
Gazetari: E keni bërë duet tani nga grupi i madh Albi Nako…
Albi Nako: Jemi thjesht rastësisht këtu me Albën, sepse jemi marrë me prova, kjo është e gjitha.
Gazetari: Alba po angazhohet si koreografe?
Albi Nako: Ne jemi partnerë, është asistentja ime. Më ndihmon dhe e ndihmoj.
Gazetari: Po me motin e ndihmon?
Albi Nako: Sigurisht, bëhet fjalë për xhestikulimin.
Gazetari: Si ndihesh ti kur lakohet emri yt, jo si balerinë profesioniste apo për talentin tënd, por për histori dashurie?
Alba Hoxha: Ne kemi patur shumë workshop-e bashkë. Kemi qenë në Bruksel, në Palasë, Paris, etj. Kjo është arsyeja.
Albi Nako: Workshop në Palasë!!! (qesh)
Alba Hoxha: O Albiiii.”, përfundon Alba e cila dukej shumë në siklet.
