Reagimet e Albanos për tema nga më të ndryshme janë të vazhdueshme dhe padyshim që ai nuk mund të rrinte pa folur edhe për një nga fenomenet më të përhapura të ditëve të sotme, bulizmi.
Aktori shprehet se në fëmijërinë e tij bulzimi nuk ishte vetëm verbal, por i shprehur në dhunë fizike. Ndër të tjera Albano tregon se si ia doli mbanë nga lufta e përditshme me të fortët e lagjes.
“Më bëri të mendohem pak kjo puna e bulizmit. Në fëmijërinë dhe adoleshencën time, bulizmi nuk ishte vetëm verbal. Ishte kryesisht fizik. Çdo lagje apo shkollë, kishte 5 apo 6 të fortë, që të qëllonin sa herë të donin. Çfarë bëra unë? Krijova një shoqatë? Bëra thirrje për ndihmë? Qava se më shanë apo më qëlluan? Aspak. U bëra shok me Vironin, me N dhe V, me R dhe S, dhe u hyra bulistave me dru derisa mallkuan ditën që linden( shaka). Mbarova shkollën, u bera ky që jam sot, dhe ish- bulistat( sa emër qesharak) më marrin në tel dhe me thonë se e kanë per nder që janë nga i njëjti qytet me mua. Zgjidhja nuk është hakmarrja. Zgjidhja nuk është ankesa, apo qurravitja. Zgjidhja është të besosh në veten tënde, ose të kesh 45 kushërinj të parë siç kisha unë dhe stë ngacmon njeri.”-ka postuar Albano në rrjetin social “Facebook”.
