Fjala më e përdorur në Itali gjatë vitit 2024, është Albania. Ky raport është publikuar nga shoqata “Carta di Roma” me aktivitet 13-vjeçar në fushën e mbikëqyrjes së mbulimit mediatik dhe korrektësisë së informacionit të shpërndarë prej tyre në Itali, për çështjet e emigracionit.
Shqipëria ka qenë qendër diskutimesh gjatë këtij viti për shkak të marrëveshjes me Italinë për transferimin e emigrantëve në anën tjetër të Mesdheut, konkretisht në brigjet e Shëngjinit në Gjadër.
Marrëveshja Shqipëri-Itali është një çështje e shumëpërfolur sidomos gjatë muajve të fundit ku dhe u bë e mundur dërgimi i emigrantëve të parë në kampin e ndërtuar në Gjadër për strehimin e tyre.
Kjo marrëveshje është cilësuar më shumë se njëherë e dështuar pasi asnjë refugjat nuk ka arritur të qëndrojë në Gjadër më shumë se 24 orë për shkak të mosdakortësive nga Gjykata e Romës me marrëveshjen.
