Alban Skëndëraj dhe Miriam Cani janë një ndër çiftet më të dashura të mediave rozë. Një çift që dinë ta surprizojnë gjithmonë njëri-tjetrin, por edhe fansat.
Gjatë ditës së sotme publikohet kënga më e re e këngëtares Miriam Cani, e cila do të vijë me titullin “Meteor”.
Kjo këngë do të shënojë edhe rikthimin në skenë të Canit pas një kohë të gjatë mungese, për shkak të lindjes së vogëlushes së saj Ameli.
Por në prag të publikimit të kësaj kënge vjen një dedikim mjaft i ndjerë nga bashkëshorti i saj kantautori Alban Skënderaj. Ai ka publikuar një foto të Miriamit gjtaë klipit dhe shkruan:
“Nuk thoja kot që je një engjëll”
Kënga “Meteor” nuk do të jetë projekti i saj i vetëm. Vetëm pak ditë më parë Miriam ka treguar se shumë shpejt së bashku me Albanin do të sjellin duetin që fansat e tyre kanë vite që e presin.
