Moderatori i njohur, Alban Dudushi, dhe partnerja e tij, Bieta Sula, u bënë prindër pak javë më parë. Për Bietën, kjo është hera e parë që provon ndjesinë e të bërit nënë, ndërsa moderatori i njohur e ka provuar këtë ndjesi me vajzën e tij nga martesa e parë, me të cilën është shumë i lidhur.
Pak ditë më parë, paparaci ynë i fotografoi në një nga rrugët kryesore të kryeqytetit, ku duket Albani i cili ka marrë drejtimin e karrocës së bebes, ndërkohë që Bieta është e përqëndruar te celulari. Albani dhe Bieta kanë një fat sepse punojnë bashkë në “Top Show”, ku Bieta është autore.
Kështu, ata kanë mundësi që të shpenzojnë më shumë kohë me njëri-tjetrin në krahasim me çiftet e tjera, të cilët detyrohen të takohen vetëm pas pune. Programi i “Top Show”, i moderuar prej Alban Dudushit, qysh prej krijimit të “Top Channel” është programi më jetëgjatë dhe vijon të jetë super i ndjekur./Panorama/
