Moderatorët e njohur shqiptarë, Alban Dudushi dhe Bieta Sulo u bënë prindër të një vogëlushi, vetëm një javë më parë. E ndërkohë që gjinia e foshnjës ishte zbuluar që në fillim të vitit, askush nuk kishte bërë të ditur emrin që dyshja kishin zgjedhur për djalin.
Bieta tregon për “Who” se, Albani dhe vajza e tij Joelle ishin më shumë fansa të një emri shqiptar:
“Albani dhe Joelle ishin më shumë fansa të emrit Kroi, që është një emër 100% shqiptar dhe mua më pëlqente shumë, por që gjithsesi më përzemër kisha emrin Art, një emër sa shqiptar aq edhe ndërkombëtar… Ndaj në fund, pas disa ditësh në “tryezën e bisedimeve”, vendosëm t’ia vinim të dy emrat dhe mama shpesh e thërret KroiArt(ë), duke formuar përsëri një emër shqiptar”, tregoi gazetarja.
Joelle është vajza e Alban Dudushit nga partnerja e tij e mëparshme dhe ajo jo vetëm nuk është xheloze për Kroi Artin, por siç tregoi Albani në një intervistë të mëparshme “ai është 50% i saji dhe vetëm 50% i ne të dyve”.
