Albana Osmani parakaloi pak më parë në tapetin e kuq të amfAR Gala, një prej eventeve më të rëndësishme në ditët e Festivalit të Kanës.
Themeluesja dhe drejtuesja e fondacionit “You Are a Sunflower” ishte ftuar në eventin e bamirësisë nga modeli shqiptar Roland Lekaj.
Me një fustan ngjyrë floriri nga koleksioni i fundit Takir Ediz, Albana Osmani literalisht shkëlqente në tapetin e kuq.
Por, më interesant ishte aksesori: një luledielli, simbol i nismës së saj humanitare.
Albana madje shkrepi edhe një foto me supermodelen Adriana Lima!
amfAR Gala është një mbrëmje ankandi për mbledhjen e fondeve, të cilat shkojnë për kërkime shkencore për AIDS.
