Këngëtari i njohur, Alban Ramosaj merr gjithnjë vëmendje të madhe! Shpeshherë, ai publikon në Instastory rubrikën e pyetje-përgjigjeve me ndjekësit e tij.
Së fundmi, ai është pyetur se nëse do të merrte pjesë në “Big Brother VIP Kosova”.
Mirëpo, ai ka thënë se nuk do bëhej pjesë e asnjë formati “Big Brother VIP” as i Kosovës dhe as i Shqipërisë.
Jo vetëm kaq por ai e ka konsideruar Big Brother-in si një format me toksicitet. Albani shkruan se do të merrte pjesë vetëm nëse formati i referohej eksplorimit nëpër ambiente të ndryshme të natyrës së egër, edukimit për mbijetesë apo edhe kulturës.
“Asnjërën. Në rast se do të ishte një format i cili konsiston në udhëtimin nëpër botë, ekspozim në ambiente të ndryshme të natyrës së egër, edukim mbi mbijetesë (pse jo argëtim), kulturë, dialogje me individual të ndritur e që kanë dy tre fjalë për të thënë, të cilat shërbejnë që kolektivi jonë të rritet para dhe me jo të degradojë pas me toksicitete, atëherë po. Madje s’do doja as të paguhesha- do paguaja unë. Por ky është mendimi im, ë? Tani që po e mendoj, kot nuk e patentoj si ide”, shkruan këngëtari.
Kujtojmë që motra e tij, Beatrix Ramosaj u përball me një lum komentesh negative pasi doli nga “Big Brother VIP Albania”.
