“Ike” është kënga më e re e publikuar nga këngëtari Alban Ramosaj. Duket se është një produkt tërësisht i tij, pasi Albani ka bërë tekstin dhe melodinë e këngës. Ramosaj i këndon dashurisë që ka ikur si dhe i kërkon të rikthehet sërish pranë tij..
“Po lundroj nëpër kujtime, në detin e harrimeve. Ike kaq larg. Hajde ma ngat ti prap” thuhet mes rreshtave të këngës.
Kënga është pjesë e triologjisë “Hireath”, ndërsa së shpejti priten të publikohen edhe dy këngët e tjera që janë vazhdimësi e këngës së zhanrit R&B të publikuar ditën e sotme.
Fansat e këngëtarit duket se e kanë pritur mirë këngën e re si dhe videoklipin e xhiruar jashtë Shqipërisë, madje dikush e cilësoi si këngën si “cigarja pas seksit”.
Por ka pasur edhe dislike në rrjetin social Youtube, për të cilat Albani ka reaguar në Instastory.
“Për atë që nuk e ka pëlqyer: Uroj të vdesësh nga një thyerje zemre”, shkruan këngëtari.
