Nuk është e lehtë të përballosh ditët e të nxehtit afrikan. Ekspertët ngrenë alarmin dhe bëjnë thirrje për të mos neglizhuar këshillat dhe rekomandimet.
Kapelë, syze dielli dhe ujë me vete para së të dilni nga shtëpia. Në shumë zona të vendit, temperaturat i kalojnë 40 gradë celsius, por po kështu do të jetë edhe në ditët e ardhshme, bëjnë me dije ata, ndaj këshilla më e mirë është që secili të pijë sa më shumë lëngje gjatë ditës dhe nëse nuk e ka të domosdoshme, të mos dalë jashtë, sidomos në orët e pikut të vapës.
Profesor Kayıhan Pala, nga Universiteti i Uludag-ut, Fakulteti i Mjekësisë, tha për “Anadolu Agency”, se temperaturat ekstreme mund të sjellin rreziqe të mëdha.
“Temperatura e lartë nuk është i vetmi rrezik i madh, por kur kombinohet me lagështirën, bëhet një problem serioz”, thotë ai duke theksuar për publikun që të paktën të shmangin orët e pikut, mes orës 11:00 deri në orën 15:00.
