Pishinat janë zgjidhja e të gjithë atyre që ende nuk janë arratisur me pushime, diku larg.
Mirëpo si pasojë e mbipopullimit të tyre dhe mos respektimit të higjienës brenda në pishinë, dhjetëra fëmijë të vegjël janë prekur nga infeksionet bakteriale. Në një intervistë për “Top Channel”, mjekja dermatologe Erjona Shehu është shprehur se tek fëmijët e vegjël është shumë i shpeshtë shfaqja e mykut në këmbë. Sipas saj, të gjitha nënat duhet të lajnë fëmijët, përpara se të futen në pishinë dhe më e rëndësishmja është të mos përdorni të njëjtin peshqir me pjesëtarët e tjerë të familjes.
Pronarët e këtyre bizneseve tanimë janë ndërgjegjësuar për të filtruar dhe klorinuar ujin sipas parametrave të duhura, mbetet në ndërgjegjen e gjithsecilit të respektojë kushtet e higjienës personale, më parë se të futet në pishinë.
Burimi: Top Channel
