Situata në Bulqizë nga ora në orë po bëhet më alarmante dhe numri i të helmuarve nga uji është rritur dhe ka shkuar në 100.
Për ngjarjen në fjalë ka folur mjeku Ramazan Ceni i cili ka pohuar se banorët sipas tij janë helmuar nga uji, ndërkohë vlen të theksohet se rezultatet e analizave përfundimtare nuk janë bërë ende publike: “Personat paraqiten me bark dhe të vjella, por edhe me dhimbje barku. Helmimi ka ardhur nga uji, fluksi i të prekurve vazhdon.”
Raportohet se ditën e sotme ka pasur 6 raste helmimi të reja, ndërkohë një prej pacientëve (kryefamiljar) të shtruar në spital ka deklaruar se të gjithë familjarët e tij janë prekur nga helmimi. /balkanweb.com
