Në datën 13 qershor 2018 si pasojë e rreshjeve të shiut u përmbyt një ndër sallat e nëndheshme të Bibliotekës Kombëtare duke dëmtuar me mijëra libra, revista, gazeta dhe botime të 15 viteve të fundit.
Menjëherë pas kësaj fatkeqësie natyrore Biblioteka Kombëtare shpalli gjendje emergjence. Ditën e stome në një koferencë për shtyp drejtoresha e kësaj Bibliotekës Kombëtare, Persida Asllani ka bërë të ditur detajet në lidhje me përmbytjen e institucionit që ajo drejton.
Ajo bëri të ditur se ende nuk dihet nga ka ardhur përmbytja, por sipas saj janë lajmëruar institucionet përkatëse dhe do të bëjnë ekspertizën.
“As unë dhe askush tjetër deri më tani nuk e ka ekspertizën se nga çfarë u shkaktua përmbytja. Presim përgjigjen nga institucionet. Ne ende nuk e kuptojmë se nga ka hyrë uji se nuk ka gjurmë as në mure, por vetëm në dysheme.”, mësohet të ketë thënë zonja Asllani.
Drejtoresha deklaroi gjithashtu se Biblioteka Kombëtare është jashtë standarteve për të vijuar punën dhe është në gjendje alarmante.
“Biblioteka Kombëtare është jashtë standartit për të ruajtur nga uji dhe jemi në gjendje alarmante. Materialet që thahen i vendosim në një mjedis tjetër, që më pas të futen sërish në punë”, tha ndër të tjera drejtoresha.
Nga fotot e publikuara gjatë konferencës u pa se librat thaheshin me tharëse flokësh.
Burimi: Panorama
