Organizata e Kombeve të Bashkuara ka publikuar raportin mbi ndryshimet klimatike, në një moment kur Shqipëria, vende të rajonit të Ballkanit, Europa dhe SHBA janë përfshirë nga vatra të rrezikshme të zjarrit.
Raporti konfirmoi gjashtë vitet e fundit si më të nxehtat të regjistruara ndonjëherë dhe për më tepër ndryshime të mëdha klimatike, të tilla si rritja e nivelit të detit, janë të pashmangshme dhe të pakthyeshme.
“Vëzhgimet këtë verë tregojnë se disa ndikime (të parashikuara në raportet e mëparshme të IPCC) duket se janë nënvlerësuar, por ne nuk mund të dimë nëse shkatërrimi i verës 2021 është normalja e re pa të dhëna edhe për disa vite të tjera”, tha Simon Lewis, profesor i shkencës së ndryshimeve globale në University College London, në një intervistë me Guardian.
Dora e njeriut që po ndryshon klimën në mënyrë të pashembullt dhe të pakthyeshme, thuhet në këtë raport që konsiderohet një alarm i kuq për njerëzimin. Raporti i UN paralajmëron valë të rrezikshme të të nxehtit, thatësirës dhe përmbytje për të ardhmen.
Shkencëtarët që e kanë hartuar thonë se kjo katastrofë mund të shmanget nëse bota vepron me shpejtësi. Ka shpresë se shkurtimet e thella të emetimeve të gazrave serë mund të stabilizojnë rritjen e temperaturave.
View this post on Instagram
