Një nga këngëtarët më të suksesshëm të skenës, dhe një nga meshkujt më simpatikë të ekranit shqiptar, i ka dhënë fund romancës së tij disavjeçare. Është fjala për kantautorin Pirro Çako, i cili duket se i ka dhënë fund historisë së dashurisë me vajzën nga Shkodra të quajtur Sisilia Ujka.
Burime për “Who” kanë bërë me dije lajmin, ndërkohë që të dy nuk janë parë më në shoqërinë e njëri-tjetrit. Çifti ishin shumë të lidhur, jetonin në një apartament dhe frekuentonin të njëjtat ambiente apo evente. Edhe pse kishin një diferencë moshë prej 25 vjetësh, kjo dukej se nuk përbënte problem për ta.
Ndërsa citohen miqtë e afërt të çiftit, thuhet se ndarja është konfirmuar prej tyre, por pa dhënë asnjë arsye. Aktualisht Pirro Çako është 51 vjeç, ndërsa Sisi 26.
