Daniel Lee Martin, këngëtari i njohur i muzikës country është gjetur i vdekur në shtëpinë e tij në Florida, pasi kishte qëlluar veten me armë.
Ai ishte 54 vjeç dhe po përballej me akuza të shumta të shfrytëzimit seksual të të miturve dhe ndaj tij ishte caktuar një seancë gjyqësore të premten në mëngjes.
Por kur ai nuk u paraqit, autoritetet shkuan në shtëpinë e tij për ta kapur atë.
“Ekipi i SWAT u thirr për të ndihmuar, pasi Martin më parë bëri kërcënime ndaj vetes dhe të tjerëve,” thuhet në një deklaratë të Sherifit. “Kur efektivët hynë në vendbanim, ata zbuluan këngëtarin e pajetë nga një plagë e shkaktuar me armë”.
Martin u akuzua në vitin 2018 për krime seksuale ndaj fëmijëve në Williamson County, Tenesi, pasi ishte akuzuar për vepra kundër tre viktimave nën moshën 13 vjeçare midis majit 2014 dhe janarit 2018.
Ai u arrestua përsëri muajin e kaluar në Florida, i akuzuar për ngacmimin seksual të një vajze të re.
Martin ishte një ish-lojtar bejsbolli dhe lojtar golfi që la një karrierë të suksesshme pas, për të ndjekur ëndrrën e tij për t’u bërë një artist i muzikës country në vend, sipas AllMusic.com.
