E kemi parë në gjendje të dehur, të zhveshur dhe e përfshirë në skandale seksi, por vjen një moment që lodh nga kjo jetë?! Kjo është historia e jetës së aktores Lindsay Lohan, e cila menjëherë pasi mbushi 30 vjeç vendosi të ndryshojë krejtësisht stilin e saj të jetesës, duke u larguar nga profesioni i saj si aktore dhe nga dramat me ish-të fejuarin.
Ajo ka vendosur t’i përkushtohet fesë islame dhe momentalisht është zhvendosur në Tajlandë, për të studiuar librin e shenjtë të Kuranit. Ky vendim që ajo mori ishte i papritur për të dhe familjarët e saj.
Së fundmi ajo është fotografuar duke bërë sërf e mbuluar me veshje që i përket fesë islame.
Lindsay është shprehur se nëse do ta quante veten një myslimane të vërtetë do të ishte qesharake, pasi ajo sapo ka filluar të jetë pjesë e islamizmit dhe studimi i librit të shenjtë po i jep një qetësi shpirtërore, që se ka ndjerë kurrë gjatë viteve të kaluara. Tashmë ajo do të udhëtojë botën dhe do ta shfrytëzojë kohën e saj në të mirë të njerëzimit.
Burimi: Daily Mail
