Mandy Moore kujtoi filmin e saj të parë “Walk To Remember” në përvjetorin e tij të 16-të.
Aktorja 33-vjeçare përdori Instagram-in e saj për të ndarë një kujtim të ëmbël nga filmi së bashku me yllin Shane West.
“Jamie + Landon, 16 vjet më parë, A Walk to Remember ❤️ #TBT,” e përshkroi Mandy foton.
Në përvjetorin e vitit të kaluar, Mandy foli për kiminë e saj me Shane, gjatë xhirimeve. Ajo zbuloi se kishte ndjenja për aktorin dhe ja përse:
“Shane ishte aq i mirë. Gjithçka rreth tij – mënyra sesi vishej, cigaret që ai pinte dhe muzika që dëgjonte. Ai ishte karakteri i duhur për mua dhe patjetër që një pjesë e imja ra në dashuri me të”.
Ajo shtoi: “Nuk e di nëse mund të bëja dallimin mes tij dhe personazhit në atë kohë, sepse ishte përvoja ime e parë që bëja diçka të tillë dhe isha një vajzë 16-vjeçare, e ndikueshme . Unë u kapa aq shumë te momenti dhe përvoja. Absolutisht që e mbylla këtë film në mënyrë të bindur që nuk do të kishte kurrë një projekt aq të veçantë sa ai. Shane ishte aq i mrekullueshëm. ”
Burimi: Just Jared
