Aktorja e famshme turke Tuba Buyukustun i ka çuditur fansat e saj pasi është shfaqur në disa foto duke takuar yllin e Hollivudit, Angelina Jolie.
Ajo merrte pjesë në Festivalin Ndërkombëtar të Filmit Aziatik në Los Angeles, ku ka qenë pjesë e jurisë që ka vlerësuar prodhimet kinematografike.
Por gjatë këtij evenimenti, Tuba ka pasur nderin të takojë dhe një prej divave të kinemasë. Dy aktoret janë takuar në një koktej pas shfaqjes së filmit “First They Killed My Father”, me regji të Jolie.
Por përveç aktrimit dy femrat e njohura kanë të përbashkët edhe një gjë tjetër. Jolie njihet për aktivitetet e saj të bamirësisë e po kështu edhe Tuba, e cila është shpallur ambasadore nderi e UNICEF.
