Aktorja e njohur shqiptare është njohur gjithmonë për humorin e saj të hollë dhe mënyrën e drejtpërdrejt të të thënit të gjërave. E kush mund të jetë tjetër përveçse Rudina Dembacaj-t.
Aktorja simpatike ishte e ftuar dje në emisionin “Rudina” ku rrëfeu disa ngjarje nga jeta e saj private. Dembecaj e ka pranuar gjithmonë se ka qenë ajo që ka hedhur hapin e parë në lidhjen e saj të dashurisë.
Lidhja e saj me Aleksin, me të cilin tashmë është martuar dhe ka edhe një vajzë, fillimisht nisi si një aventurë. Që në takimin e parë të tyre, pas disa orësh bisedë, ajo i kishte shprehur qartë qëllimet e saja.
“Aleksi nuk po fliste dhe ishte një moment heshtjeje. Prandaj unë i thashë:’Do vish tek shtëpia ime, por nesër nuk dua të m’i biesh telefonit. Nuk kam nerva për lidhje serioze.”: tregoi Rudina.
Edhe Aleksi ishte shprehur se nuk ishte për një lidhje serioze, të dy kështu kishin vepruar por pa e menduar që brenda vitit do të fejohesh e më pas martoheshin.
Shumë shpejt edhe vajza e tyre Viktoria do të festojë ditëlindjen e saj të parë.
