Ato janë të dyja performuese të suksesshme! Por sipas Hollywood-it, aktoret Susan Sarandon dhe Sigourney Weaver shpesh ngatërrohen me njëra-tjetrën nga fansat e filmit.
Ylli i “The Thelma and Louise”, 69 vjeçe, mori pjesë në eventin “Glamour Women Of The Year Awards” mbrëmjen e së martës, ku të dyja yjet morën nga një çmim.
Eventi i ndarjes së çmimeve “Glamour Awards” mbledh bashkë aktorët më të talentuar e më të nxehtë të momentit, këngëtarë, skenaristë, personazhe nga bota e argëtimit, bukurisë e modës.
Tapeti i kuq i tij u mbush me emrat më të njohur të kinematografisë si, Susan Sarandon, Rose Byrne, Krysten Ritte, Tanya Burr, e xhelozi për stilin e tyre ngjallën dhe “Little Mix”.
Sarandon, bashkë me veteranen tjetër të Hollivudit, Sigourney Weaver, u nderuan nga revista prestigjioze e modës, njëra me çmimin e hijeshisë, tjetra me atë të frymëzimit.
“Unë frymëzohem nga gratë. Askush nuk është aq i angazhuar sa ato për të bërë disa gjëra njëherësh. Ne thjesht duhet të rreshtim së shqetësuari për të qenë perfekte e të gjejmë kënaqësinë tek ajo që bëjmë”, tha Sarandon
Elizabeth Banks, e cila së fundi i shfaqet publikut të gjerë edhe si regjisore, mori në shtëpi çmimin e aktores më të mirë. Ndër fitueset e tjera ishte Jennifer Saunders për kontributin e saj të jashtëzakonshëm, “Little Mix” për aktivitetin muzikor, e Rose Byrne, që u cilësua si aktorja më e mirë në një komedi.
Çmimet “Glamour” nderojnë femrat e konsideruara si më të rëndësishmet e vitit.
Burimi: Daily Mail
