Katherine Heigl dhe bashkëshorti i saj Josh Kelley mirëpritën ardhjen në jetë të vogëlushit Joshua Bishop Kelley Jr më 20 dhjetor. Çifti i famshëm më në fund ka publikuar fotografinë e parë të vogëlushit në kopertinën e fundit të revistës “People”, njëherësh dhe në profilin e saj në “Instagram”.
“Ishte një surprizë. Dëshiroja shumë ta zgjeroja familjen time, duke patur fëmijë të tjerë, por nuk dija se si do arrinim deri aty”, ka thënë aktorja 38-vjeçare.
“Të jem totalisht e sinqertë, reagimi im i parë ishte: “Oh dreq”, por tashmë ne kemi një jetë të re normale dhe duhet ta shkëputem pak nga puna në mënyrë që të mësohem me të”.
Katherine dhe Josh janë gjithashtu prindër të dy vajzave të birësuara Naleigh, 8 vjeç dhe Adalaide, 4 vjeç.
Burimi: Daily Mail
