Aktorja e “Sex and the City”, Cynthia Nixon, shpalli kandidaturën e saj si Guvernatore e Nju-Jorkut, në një përballje me Andrew Cuomo, i cili është në detyrë.
Nixon njoftoi përfshirjen e saj në botën e politikës përme një video 2 minutëshe në mediat sociale, ku ajo deklaroi:
“E dua Nju-Jorkun dhe sot po shpall kandidaturën time për guvernatore”.
Ajo gjithashtu përcaktoi çfarë do të përfshinte platforma e saj:
“Ne duam që qeveria jonë të funksionojë përsëri. Për kujdesin shëndetësor, duke i dhënë fund burgosjes masive, duke rregulluar metronë tonë të dëmtuar. Na kanë ardhur në majë të hundës politikanët, që kujdesen më shumë për titujt dhe pushtetin, sesa për ne”.
Ajo ka qenë gjithashtu një zëdhënëse shumë e përkushtuar për disa politikanë, veçanërisht kryetarin De Blasio dhe ish-sekretaren e shtetit, Hillary Clinton.
Lajmi nuk ishte shumë tronditës pasi Nixon publikoi një shkrim në CNN, në janar.
Ajo shkruante se votimi i drejtë nuk mjafton dhe përfshirja e qeverisë mes atyre komuniteteve të papërfaqësuara ishte e vetmja mënyrë për të “kthyer qeverinë tonë”.
Nixon ka luajtur si aktore gjithë jetën, por mori famë falë rolit të saj si Miranda Hobbes në serialin “Sex and the City”. Si një nga katër aktoret, talenti i saj u dallua menjëherë, pasi mori edhe çmimin “Emmy” në sezonin e fundit.
Në 2006-n ajo u diagnostikua me kancer në gji, ndërsa në 2011-n mirëpriti fëmijën e saj të tretë, në 2012-n u martua me partneren e saj prej vitesh Christine Marinoni.
Burimi: Daily Mail
