Aktorja e njohur italiane, Eva Grimaldi ka pozuar për herë të parë me të dashurën e saj politikane, Imma Battaglia për revistën italiane ‘Chi.’ Grimaldi dhe Battaglia u njohën kur ishin banore në “reality show”-n e quajtur “Ishulli i të famshëmve”.
Eva është aktorja që njihet edhe në Shqipëri për rolin e saj në filmin ‘Il Bello delle Donne,’ ndërsa Imma është aktiviste politike , që mbron të drejtat e homoseksualëve. Ajo u bë pjesë e ‘reality show’-ut, për të qenë sa më pranë të dashurës së saj. Që prej asaj kohe, ato shpallën lidhjen e tyre por asnjëherë nuk kanë dhënë ndonjë intervistë.
“Ndihem e bekuar që Imma është pjesë e jetës time. Është një gjë e mrekullueshme të kesh një marrëdhënie të bukur, transparente. Kam bërë gjithçka vetë dhe kisha nevojë për dikë që më kuptonte”, tha 55-vjeçarja.
Intervista do të publikohet e plotë për mediat italiane sot me 8 mars, në” Ditën Ndërkombëtare të Femrave”.
