Ata kanë qenë të lidhur që nga viti 2012 dhe e kanë ruajtur romancën e tyre jashtë qendrës së vëmendjes.
Tani Jessica Chastain dhe partneri i saj, Gian Luca Passi de Preposulo, thanë “Po” në një ceremoni të shkëlqyer të shtunën, mbajtur në qytetin verior të Italisë, Treviso, pranë Venedikut.
Aktorja 40-vjeçare dhe bashkëshorti i saj 34-vjeçar dukeshin të lumtur kur u mblodhën para familjes dhe miqve në rezidencën familjare të Passi de Preposulo, Villa Tiepolo Passi.
Jessica shkëlqeu me një fustan të thjeshtë bust me një bisht të gjatë. Aktorja kishte zgjedhur edhe një tualet të thjeshtë me flokët e kapur me një topuz elegant dhe buzët e kuq.
Ceremonia ishte tradicionale, e mbajtur në oborr me sfondin piktoresk të vilës tradicionale.
Gian Luca vjen nga një familje aristokratike dhe dasma e tyre mblodhi së bashku disa nga yjet e Hollivudit dhe të fisnikërisë italiane.
Anne Hathaway, 34 vjeç me bashkëshorti i saj, Adam Shulman, 36 vjeç dhe Emily Blunt, 34 vjeç, ishin disa nga të ftuarit në ceremoni.
Një burim tha për “E! News”: “Italia ishte një vend ku gjithmonë donin të martoheshin. Dasma ishte mahnitëse. Veshja e Jessica-s ishte e përsosur dhe mund të thuash se ishte shumë nervoze duke ecur drejt altarit. Ushqimi ishte i shijshëm”.
Aristokrati italian, ish-drejtori i marrëdhënieve me publikun për “Armani”-n, aktualisht punon për “Moncler”.
Burimi: Daily Mail
