Një aktore greke ka zgjedhur personazhin e Era Istrefit për të imituar në programin “Your Face Sounds Familiar”.
Aktorja dhe modelja e njohur Kony Metaxa, e njohur ndryshe dhe si vajza e një prej këngëtarëve më të suksesshëm të muzikës popullore në Greqi, Lefteris Pantazis (i cili ka kënduar dhe në shqip këngën “Papagalli” në bashkëpunim me Devis Xherahun), ka imituar më së miri Era Istrefin.
Pavarësisht lëvizjeve të Erës, të cilat ajo i imitoi shumë mirë, nuk mund ta themi të njëjtën gjë për theksin e shqipes, që lë për të dëshiruar. Megjithatë, fakti që një aktore greke merr përsipër të këndojë shqip, është për t’u vlerësuar.
Edhe juria e përbërë nga disa figura të njohura të ekranit grek si: Stamatis Fasoulis, Fotis Sergoulopoulos, Nikos Moutsina dhe Elli Kokkinou, e kanë përgëzuar aktoren për interpretimin, kështu që nuk na mbetet gjë tjetër veçse ta përgëzojmë dhe ne.
