Aktorja franceze, Marion Cotillard, e cila është akuzuar për një marrëdhënie me Brad Pitt, ka reaguar në “Instagram” dhe u është përgjigjur akuzave pas lajmit të bujshëm për divorcin mes Pitt dhe Jolie.
Bukuroshja jep për herë të parë lajmin se është shtatzënë me bashkëshortin e saj, ndërsa thekson se nuk është mësuar të japë deklarata të tilla, por është e detyruar për shkak se kjo situatë po ndikon të njerëzit që ajo do. Më poshtë deklarata e plotë:
“Ky do të jetë reagimi im i parë dhe i vetëm për lajmin që doli 24 orë më parë dhe ku unë u përfshiva. Nuk jam mësuar të komentoj mbi gjëra të tilla, as t’i marr ato seriozisht, por kjo situatë po ndikon te njerëzit që dua dhe duhet të flas. Së pari, shumë vite më parë, kam takuar njeriun e jetës sime, babanë e djalit tonë dhe të foshnjës që ne po presim. Ai është dashuria ime, miku im më i mirë, i vetmi që kam nevojë. Së dyti për ata që kanë bërë të ditur se unë jam e shkatërruar, unë jam shumë mirë faleminderit. Kjo bisedë nuk është shqetësuese. Dhe për të gjitha mediat dhe armiqtë të cilët janë të parët për të gjykuar, unë sinqerisht ju uroj një shërim të shpejtë. Së fundi, unë uroj shumë që Angelina dhe Brad, për të cilët kam shumë respekt, do të gjejnë paqe në këtë moment shumë të trazuar. Me dashuri Marion”.
