Aktorja e njohur, Sandra Bullock ka konfirmuar për “ET” se do të shkëputet pak nga karriera e saj si aktore – të paktën tani për tani.
Sipas “ET”, aktorja nuk e di se sa do të zgjasë kjo shkëputje, por Sandra thotë se do të jetë në vendin që e bën atë të lumtur – në shtëpi.
Sandra Bullock ka dëshirë të kalojë më shumë kohë me fëmijët e saj Louis, 12 vjeç dhe Laila, 10 vjeç.
“Unë e marr punën time shumë seriozisht,” tha ajo, duke vënë në dukje se është një punë “24/7”. “Dhe unë thjesht dua të jem 24/7 me fëmijët e mi dhe familjen time. Këtu do të jem për një farë kohë,” shtoi ajo.
Aktorja na tregon se çfarë ndodhet në listën e saj të gjërave që do të bëjë në përditshmëri.
“Duke ju shërbyer çdo gjë që iu nevojitet fëmijëve,” tha ajo. “Kalendari i tyre social.”
Sandra gjithashtu flet edhe për kujdesin e tepruar që ka ndaj COVID.
“Të gjithë prindërit më njohin si zonjën e çmendur kur vjen puna tek pandemia,” tha ajo. “Ata e dinë se fëmijët e tyre do të kthehen pa COVID kur largohen nga shtëpia jonë.”
Me ndërprerjen e aktrimit të fitueses së Oskarit, fansat mund të shijojnë aftësitë komike të Bullock në filmin e saj të fundit, “The Lost City”, e cila luan së bashku me Daniel Radcliffe, Brad Pitt dhe Channing Tatum.
