Aktorja e njohur e humorit Esmeralda Metkaj, e njohur ndryshe si Cubi, ka folur lidhur me jetën e saj profesionale për Report Tv. Gjatë fjalës së saj, ajo është ndalur dhe te kolegët e “Klanifornia”.
Ajo tha se me të gjithë ka raporte të mira, por me Jul Dedën pak më shumë.
“Unë me të gjithë, u bëra kaq vite që punoj. Por, ndoshta me Julin sepse kemi krijuar një lloj kimie me njëri-tjetrin dhe jemi ai çifti i pandashëm. Me Julin ndoshta që jam e sigurtë që edhe mos të di asgjë hyj në skenë pa frikë. Më ndodh edhe me Albanin.”– theksoi aktorja
Por aktori më i keq kush është? Ja si u përgjigj Cubi:
“Aktori më i keq për mua është Olsi Bylyku. E thashë se plasa, ta marri vesh pra Olsi. Unë jam e sinqertë…”.
Jo vetëm kaq por ajo u pyet edhe se sa e ka rrogën…
“Unë rrogën në Klanifornia… jam me nipt, funksionoj si biznes kaq. E thashë, unë funksionoj si biznes. Përtej shakasë. Jeta ekonomike në Shqipëri është e vështirë, por për ne që kemi shumë vite dhe kemi krijuar bazën nuk mendoj se e kemi kaq problem. Për bukën e gojës nuk vuajmë”, shtoi Cubi.
Ndër të tjera, ajo u ndal edhe te teatri.
“Janë dy ndjesi krejt të ndryshme që nuk kanë lidhje me njëra-tjetrën. Në “Klanifornia” e krijon personazhin vetë aty, je më spontan, mund të bësh batuta si mund të të vijnë. Ndërsa teatri është tjetër gjë, duhet t’i rrish deri në fund asaj që të ka dhënë autori, duhet të jesh i vëmindshëm maksimalisht. Nuk duhet të dalësh asnjë moment ngapersonazhi.”- tha ajo në krahasimin që bëri mes teatrit dhe televizionit.
