Kristen Stewart është nominuar për çmimin “Oscar” në sajë të debutimit të saj si princeshë Diana në filmin “Spencer”. Ajo është nominuar edhe për një tjetër çmim në kategorinë si “aktorja më e mirë në një rol kryesor” krahas Jessica Chastain, Olivia Colman, Penelope Cruz dhe Nicole Kidman.
Vetëm pak muaj më parë, aktorja e njohur është rrëfyer për E!News Daily Pop për përgjegjësitë e saj në rolin e pjesëtares së ndjerë mbretërore. Ajo është shprehur se nuk e njihte dhe aq mirë princeshë Dianën:
“Nuk ia kisha idenë se kush ishte ajo në fillim, ndaj dhe nuk prisja të merrja më pas një reagim kaq të madh e pozitiv. Unë vetëm dija se sa njerëzve iu mungon ajo dhe se si bota u shokua nga humbja e saj.”-u shpreh Kristen.
Më pas, Stewart arriti të portretizojë siç duhet Dianën si personazh, madje dhe zërin e saj karakteristik. Gjatë rrëfimit të saj ajo tregoi se pjesët më kulmore të filmit ishin momentet e mëmësisë, ku ajo duhet të ishte mamaja e princërve William dhe Harry.
“Unë nuk jam ende një nënë, por e di ndjenjën se si mund të jetë kur kërcënohen njerëzit e tu më të dashur. Mamaja ime mund të të vrasë. Mos u ngatërro me të, ose me të vërtetë të vret. Kjo është normale. Kështu janë mamatë.”-u shpreh ajo.
Kristen Stewart më tutje tregoi se i ka bërë mirë ky pozicion pasi ka arritur të kuptojë së sa e vështirë ka qenë ta kuptojë personazhin e saj. Përsa i përket çmimit të madh Oscar dhe se sa vlerë ka për aktoren ta fitojë një të tillë, ajo është shprehur se “nuk i bëhet vonë” duke e konsideruar qesharak.
