Jamie Lynn Spears është bërë nënë për herë të dytë pasi ka mirëpritur një vajzë me bashkëshortin, Jamie Watson në Covington, Luiziana, të mërkurën.
Motra e këngëtares Britney Spears ka publikuar një fotografi të familjes së saj, me vajzën e parë Maddie Briann Aldridge, të cilën e ka lindur në moshën 17-vjeçare me ish-të fejuarin, Casey Aldridge.
“Jemi shumë të emocionuar që mirëpritëm këtë vajzë të bukur në familjen tonë!”, tha Spears për People.
Ajo tregoi gjithashtu kuptimin e emrit të veçantë Ivey Joan:
“Emri i saj i mesëm, Joan, është për të nderuar hallën time Sandra, e cila vdiq 10 vjet më parë nga kanceri në vezore. Ajo ishte gruaja më e hijshme që kam njohur ndonjëherë”, tha Spears.
Në dhjetor, Spears njoftoi se ishte duke pritur fëmijën e dytë dhe se Maddie, 9 vjeç, më në fund do të bëhej me një motër të vogël.
