Aktorja e filmit vizatimor për fëmijë “Frozen 2”, Rachel Matthews, ka rezultuar pozitive në testin e Koronavirusit.
Rachel Matthews, e cila luan në pjesën e dytë të filmit të “Disney”-t, ka njoftuar të hënën se është infektuar me Koronavirus, shkruan Page Six.
26-vjeçarja e cila është e njohur për rolin e Honeymaren në “Frozen 2”, bëri me dije përmes një serie postimesh në Instagram, se është në karantinë që nga java e kaluar, për shkak të virusit.
“Hej njerëz, unë u testova pozitive për COVID-19 dhe kam qenë në karantinë javën e kaluar,” shkroi Matthews.
“Nuk jam e sigurt se cili është hapi i radhës, por padyshim që do të mbetem në karantinë derisa të thuhet se duhet të veproj ndryshe”, shtoi ajo.
Matthews u dha një këshillë ndjekësve të saj duke ju thënë: “Pushoni, pini shumë lëngje, dhe karantinojeni veten”.
https://www.instagram.com/p/B9ahqgfHAgM/
Që nga përhapja e Koronavirusit, disa të famshëm janë infektuar dhe e kanë treguar publikisht këtë. Lista përfshin emra të njohur si:
Aktori norvegjez, Kristofer Hivju
Aktori Idris Elba
Aktorja Olga Kurylenko
Aktori tajlandez Mattheë Deane Chanthavanij
Moderatori Nicola Porra
Aktorja italiane Giuliana De Sio
Tom Hanks dhe bashkëshortja e tij Rita Wilson, që dolën nga spitali.
/Iconstyle.al
